Anatomy-ဆိုသည်မှာ ဇီဝဗေဒ ပညာရပ်အကိုင်းခွဲတစ်ခုဖြစ်ပြီး သက်ရှိအရာများတွင်ရှိသောဖွဲ့စည်းပုံကိုလေ့လာခြင်းဖြစ်သည်။

MM Science

Nov 03 · 1 min read

Anatomy-ဆိုသည်မှာ ဇီဝဗေဒ ပညာရပ်အကိုင်းခွဲတစ်ခုဖြစ်ပြီး သက်ရှိအရာများတွင်ရှိသော ဖွဲ့စည်းပုံကိုလေ့လာခြင်းဖြစ်သည်။ ခန္ဓာဗေဒ ဟုမြန်မာပြန်လျှင် သင့်လျှော်မည်။

Basic Anatomy အခြေခံ (အနာတော်မီ) ခန္ဓာဗေဒ

လူ့ခန္ဓာကိုယ်သည် သက်ရှိသတ္တဝါများအနက် အရှုပ်ထွေးဆုံးဖြစ်ပြီး။ Microscope အနုကြည့် မှန်ဘီလူး ဖြင့်သာ မြင်ရသည့် သေးငယ်လွန်းသော အစိတ်အပိုင်း Cells (ဆဲလ်) သန်းထောင်ပေါင်းများစွာဖြင့် ဖွဲ့စည်းထားသည်။

Cells (ဆဲလ်) ကလပ်စည်း = သက်ရှိတို့၏ အသေးငယ်ဆုံးသော အစိတ်အပိုင်းဖြစ်သည်။ Tissues တစ်ရှူး = တူညီသည့် (ဆဲလ်)များဖြင့် ဖွဲ့စည်းထားသည်။ ဥပမာ Epithelial Tissue (အပီသီလီရယ်) အပေါ်ယံလွှာ၊ Connective Tissue (ကွန်နက်တစ်) တွယ်ဆက်၊ Muscle Tissue (မာဆယ်) ကြွက်သား၊ Nervous Tissue (နားဘတ်စ်) အာရုံကြော။ စက္ကန့်တိုင်းမှာ တစ်ရှူးအသစ်နှင့် ဆဲလ်အသစ် စုစုပေါင်း ၂၅ သန်း ဖြစ်ပေါ်နေသည်။ Organs အင်္ဂါအစိတ်အပိုင်း = မတူညီသော (တစ်ရှူး) များစွာတို့ ပါဝင်ပြီး၊ အလုပ်တမျိုးကို ဆောင်ရွက်ရန် ဖွဲ့စည်းထားသည်။ ဥပမာ အစာအိမ်တွင် ကြွက်သား + အာရုံကြော + အပေါ်လွှာ + အတွင်းလွှာတို့ ပေါင်းစပ် ပါဝင်နေကြသည်။ Systems စနစ် = သက်ရှိတို့၏ ရှုပ်ထွေးသည့် အမျိုးမျိုးသော အင်္ဂါအစိတ်အပိုင်းများဖြင့် ဖွဲ့စည်း ထားသည်။ စနစ် (၁ဝ) မျိုးရှိသည်။

ခန္ဓဗေဒ စနစ် (၁ဝ) မျိုး

1. အရိုးစနစ် (Skeletal (စကယ်လတန်) )
2. ကြွက်သားစနစ် (Muscular (မာစကူလာ) )
3. အာရုံကြောစနစ် (Nervous (နားဘတ်စ်))
4. ဟော်မုန်းစနစ် (Endocrine (အင်ဒိုခရိုင်း))
5. Cardiovascular (ကာဒီယို-ဗတ်စကူလာ) နှလုံးနှင့် သွေးကြောများစနစ်။
6. Lymphatic (လင်ဖက်တစ်) သွေးပြန်ရည်စနစ်။
7. Respiratory (ရက်စပရေးရှင်း) အသက်ရှူလမ်းကြောင်းစနစ်။
8. Digestive (ဒိုင်ဂျက်စတစ်ဖ်) အစာခြေလမ်းကြောင်းစနစ်။
9. Urinary (ယူရယ်နရီ) ဆီးလမ်းကြောင်းစနစ်။
10. Reproductive (ရီပရိုဒတ်တစ်ဖ်) မျိုးပွားလမ်းကြောင်းစနစ်။